ഏഷ്യയുടെ വൃന്ദാവനം മൗ​ലി​ന്നോം​ഗ്’

ദൈ​വ​ത്തി​നൊ​രു നാ​ടു​ണ്ട്. പ​ച്ച​പു​ത​ച്ച കേ​ര​ള​മാ​ണ​ത്. പ​ക്ഷേ ദൈ​വ​ത്തി​ന്‍റെ സ്വ​ന്തം പൂ​ന്തോ​ട്ടം എ​വി​ടെ​യാ​ണ്?.

കേ​ര​ള​ത്തി​ൽ നി​ന്നു നാ​ലാ​യി​ര​ത്തോ​ളം കി​ലോ​മീ​റ്റ​ർ അ​ക​ലെ ബം​ഗ്ലാ​ദേ​ശു​മാ​യി അ​തി​ർ​ത്തി പ​ങ്കി​ടു​ന്ന വ​ട​ക്കു​കി​ഴ​ക്ക​ൻ സം​സ്ഥാ​ന​മാ​യ മേ​ഘാ​ല​യ​യി​ലാ​ണ് ആ ​ഗ്രാ​മം. ഏ​ഷ്യ​യി​ലെ ഏ​റ്റ​വും വൃ​ത്തി​യു​ള്ള ഗ്രാ​മ​മെ​ന്ന ഖ്യാ​തി സ്വ​ന്ത​മാ​ക്കി​യ പ്ര​കൃ​തി​യെ പ്ര​ണ​യി​ക്കു​ന്ന ഒ​രു പ​റ്റം മ​നു​ഷ്യ​രു​ടെ സ്വ​ന്തം നാ​ടാ​യ "മൗ​ലി​ന്നോം​ഗ്’.

പ്ര​കൃ​തി​യോ​ടി​ണ​ങ്ങി നി​ർ​മി​ച്ച ചെ​റി​യ വീ​ടു​ക​ളും പൂ​ന്തോ​ട്ട​ങ്ങ​ളും മ​നോ​ഹാ​രി​ത പ​ക​രു​ന്ന ഈ ​ഗ്രാ​മ​ത്തി​ന്‍റെ മു​ഖ​മു​ദ്ര വൃ​ത്തി​യും വെ​ടി​പ്പു​മാ​ണ്. ഇ​വി​ടെ എ​പ്പോ​ഴും ചെ​ടി​ക​ൾ പൂ​ത്തു നി​ൽ​ക്കും. 95 കു​ടും​ബ​ങ്ങ​ളി​ലാ​യി 520 അം​ഗ​ങ്ങ​ളാ​ണ് ഈ ​ഗ്രാ​മ​ത്തി​ലു​ള്ള​ത്. കു​ട്ടി​ക​ളു​ൾ​പ്പെ​ടെ ഗ്രാ​മ​വാ​സി​ക​ളാ​യ എ​ല്ലാ​വ​രു​ടെ​യും നി​സ്വാ​ർ​ഥ​മാ​യ പ്ര​വ​ർ​ത്ത​ന​ത്തി​ന്‍റെ ഫ​ല​മാ​യാ​ണ്, അ​വി​ടെ​യെ​ത്തു​ന്ന എ​ല്ലാ സ​ഞ്ചാ​രി​ക​ളു​ടെ​യും ഉ​ള്ളി​ൽ മൗ​ലി​ന്നോം​ഗ് വൃ​ത്തി​യു​ള്ള ഒ​രോ​ർ​മാ​യി ചേ​ക്കേ​റു​ന്ന​ത്.

ഡി​സ്ക​വ​ർ ഇ​ന്ത്യ മാ​ഗ​സി​നാ​ണ് 2003 ൽ ​മൗ​ലിം​ന്നോം​ഗി​നെ ഏ​ഷ്യ​യി​ലെ ഏ​റ്റ​വും വൃ​ത്തി​യു​ള്ള ഗ്രാ​മ​മാ​യി തെ​ര​ഞ്ഞെ​ടു​ത്ത​ത്. തു​ട​ർ​ന്ന് 2005 ൽ ​ഏ​റ്റ​വും വൃ​ത്തി​യു​ള്ള ഇ​ന്ത്യ​ൻ ഗ്രാ​മ​മാ​യി കേ​ന്ദ്ര​സ​ർ​ക്കാ​ർ തെ​ര​ഞ്ഞെ​ടു​ത്ത​തും മൗ​ലിം​ഗ്നോം​ഗി​നെ ത​ന്നെ. പ്ര​ധാ​ന​മ​ന്ത്രി ന​രേ​ന്ദ്ര മോ​ദി "സ്വ​ച്ഛ് ഭാ​ര​ത്’ പ​രി​പാ​ടി ആ​രം​ഭി​ക്കു​ന്ന​തി​നും ഏ​റെ മു​ൻ​പ് ഈ ​പ​ദ്ധ​തി ന​ട​പ്പി​ൽ വ​രു​ത്തി​യെ​ന്ന ബ​ഹു​മ​തി​യും ഈ ​ഗ്രാ​മ​ത്തി​നു മാ​ത്രം അ​വ​കാ​ശ​പ്പെ​ട്ട​താ​ണ്. ഗ്രാ​മ​ത്തി​ലേ​ക്ക് ക​ട​ന്നുചെ​ല്ലു​ന്ന സ​ന്ദ​ർ​ശ​ക​രെ എ​തി​രേ​ൽ​ക്കു​ന്ന​ത്, "ദൈ​വ​ത്തി​ന്‍റെ സ്വ​ന്തം പു​ന്തോ​ട്ട​മാ​യ മൗ​ലി​ന്നോം​ഗി​ലേ​ക്ക് സ്വാ​ഗ​തം’ എ​ന്ന ബോ​ർ​ഡാ​ണ്. ഒ​പ്പം ഗ്രാ​മം വൃ​ത്തി​യാ​യി സൂ​ക്ഷി​ക്കാ​ൻ ചെ​യ്യേ​ണ്ട​തും ചെ​യ്യരു​താ​ത്ത​തു​മാ​യ കാ​ര്യ​ങ്ങ​ളും എ​ഴു​തി പ്ര​ദ​ർ​ശി​പ്പി​ച്ചി​ട്ടു​ണ്ട്.

സ​ർ​ക്കാ​ർ സ​ഹാ​യ​ങ്ങ​ളോ ശു​ചീ​ക​ര​ണ പ​ദ്ധ​തി​ക​ളോ അ​ല്ല മൗ​ലി​ന്നോം​ഗി​നെ ലോ​ക​ത്തി​ന്‍റെ നി​റു​ക​യി​ലെ​ത്തി​ച്ച​ത്. ത​ല​മു​റ​ക​ളാ​യി അ​വ​ർ തു​ട​രു​ന്ന പ്ര​കൃ​തി​യോ​ട​ിണ​ങ്ങി​യു​ള്ള ജീ​വി​ത​വും പൂ​ർ​വി​ക​ർ പ​ക​ർ​ന്നു ന​ൽ​കി​യ പാ​ഠ​ങ്ങ​ളു​മാ​ണ്. "ഗ്രാ​മം ന​മ്മു​ടെ വീ​ടാ​ണ്, അ​ത് ശു​ചി​യാ​യി സൂ​ക്ഷി​ച്ചേ മ​തി​യാ​കൂ. ഓ​രോ ഗ്രാ​മ​വാ​സി​ക്കും ഗ്രാ​മ​ത്തി​ന്‍റെ കാ​ര്യ​ത്തി​ൽ ഉ​ത്ത​ര​വാ​ദി​ത്ത​മു​ണ്ട്. കു​ഞ്ഞു​ങ്ങ​ൾ പോ​ലും അ​ത് മ​ന​സി​ലാ​ക്കു​ന്നു. പൂ​ർ​വി​ക​ർ പ​ക​ർ​ന്ന ആ ​പാ​ഠ​മാ​ണ് ഇ​വി​ടെ ഞ​ങ്ങ​ളെ ക​ർ​മി​നി​ര​ത​രാ​ക്കു​ന്ന​ത്’​ഗ്രാ​മ​ത്തി​ന്‍റെ ത​ല​വ​നാ​യ ബ​ഞ്ചോ​പ്ത്തി​യാ​വോ പ​റ​യു​ന്നു.

ഇ​ന്ത്യ​യി​ലെ മ​റ്റ് ഗ്രാ​മ​ങ്ങ​ളി​ൽ നി​ന്ന് വ്യ​ത്യ​സ്ത​മാ​യി മൗ​ലി​ന്നോം​ഗി​ലെ എ​ല്ലാ വീ​ടു​ക​ളി​ലും ശൗ​ചാ​ല​യ​ങ്ങ​ളു​ണ്ട്. അ​തും 1980 ക​ളി​ൽ ത​ന്നെ. മാ​ലി​ന്യ നി​ർ​മാ​ർ​ജ​ന​വും ഡ്രെയി​നേ​ജ് സം​വി​ധാ​ന​വും ഏ​ത് ന​ഗ​ര​വാ​സി​യെ​യും അ​ദ്്ഭു​ത​പ്പെ​ടു​ത്തു​ന്ന​താ​ണ്. ന​ട​പ്പാ​ത​യു​ടെ വ​ശ​ത്ത് നി​ർ​മി​ച്ച ഓ​ട​ക​ളി​ലൂ​ടെ വെ​ള്ളം കൃ​ത്യ​മാ​യി കൃ​ഷി​സ്ഥ​ല​ങ്ങ​ളി​ലേ​ക്ക് ഒ​ഴു​ക്കി വി​ടു​ന്നു. ഒ​രു തു​ള്ളി വെ​ള്ളം പോ​ലും എ​വി​ടെ​യും കെ​ട്ടി​ക്കി​ട​ക്കു​ന്ന​തു കാ​ണാ​ൻ ക​ഴി​യി​ല്ല. ഗ്രാ​മ​ത്തി​ലെ എ​ല്ലാ ന​ട​പ്പാ​ത​ക​ളു​ടെ ഓ​ര​ത്തും ഇ​ട​വി​ട്ട് മു​ള കൊ​ണ്ടു നി​ർ​മി​ച്ച ബാ​സ്ക​റ്റു​ക​ൾ സ്ഥാ​പി​ച്ചി​ട്ടു​ണ്ട്. ന​ട​ന്നു പോ​കു​ന്പോ​ൾ വ​ഴി​യി​ൽ ച​പ്പു​ച​വ​റു​ക​ളോ ഉ​ണ​ങ്ങി​വീ​ണ ഇ​ല​ക​ളോ കി​ട​ക്കു​ന്ന​തു ശ്ര​ദ്ധ​യി​ൽ​പ്പെ​ട്ടാ​ൽ അ​തെ​ടു​ത്തു ബാ​സ്ക​റ്റി​ൽ നി​ക്ഷേ​പി​ക്കു​ക എ​ന്ന​ത് കു​ട്ടി​ക​ൾ പോ​ലും മു​ട​ക്കാ​ത്ത ശീ​ല​മാ​ണ്. വൃ​ത്തി​യെ​പ്പ​റ്റി​യും മാ​ലി​ന്യ​നി​ർ​മാ​ർ​ജ​ന​ത്തെക്കു​റി​ച്ചും കു​ട്ടി​ക​ളി​ൽ ന​ന്നേ ചെ​റു​പ്പ​ത്തി​ലെ ബോ​ധ​വ​ത്ക​ര​ണം ന​ട​ത്തു​ന്ന​വ​രാ​ണ് ഈ ​ഗ്രാ​മ​ത്തി​ലെ മാ​താ​പി​താ​ക്ക​ൾ. അ​തുകൊ​ണ്ടു ത​ന്നെ ഇ​വി​ടെ എ​ത്തു​ന്ന വി​നോ​ദ സ​ഞ്ചാ​രി​ക​ളെ​യും അ​വ​ർ ബോ​ധ​വ​ൽ​ക്ക​രി​ക്കും. വൃ​ത്തി​യെക്കു​റി​ച്ച് കു​ട്ടി​ക​ൾ പ​റ​യു​ന്ന​തു കേ​ൾ​ക്കു​ന്പോ​ൾ സ​ഞ്ചാ​രി​ക​ൾ പോ​ലും അ​ദ്ഭു​തം​കൂ​റും.

വീ​ടു​ക​ൾ ത​മ്മി​ൽ അ​തി​രു​ക​ളി​ല്ല. കു​ട്ടി​ക​ൾ​ക്കു പ​ഠി​ക്കാ​ൻ സ്കൂ​ളു​ണ്ട്. അ​വി​ടെ ക്ലാ​സ്മു​റി​ക​ളു​മു​ണ്ട്. എ​ന്നാ​ൽ മി​ക്ക​വാ​റും അ​വ​ർ അ​ധ്യാ​പ​ക​രോ​ടൊ​പ്പം പു​റ​ത്തി​രു​ന്നാ​ണ് പ​ഠി​ക്കു​ന്ന​ത്. പ്ര​കൃ​തി​യെ ക​ണ്ട്, പ്ര​കൃ​തി​യു​ടെ കു​ട​യ്ക്കു കീ​ഴി​ൽ പ്ര​കൃ​തി​യെ അ​റി​ഞ്ഞു​ള്ള പ​ഠ​നം. നൂ​റു ശ​ത​മാ​നം സാ​ക്ഷ​ര​ത. എ​ല്ലാ​വ​രും ന​ന്നാ​യി ഇം​ഗ്ലീ​ഷ് സം​സാ​രി​ക്കു​ന്ന​വ​ർ.

ഇ​വി​ടെ​യെ​ത്തു​ന്ന വി​നോ​ദസ​ഞ്ചാ​രി​ക​ളോ​ട് അ​വ​ർ ന​ന്നാ​യി സം​സാ​രി​ക്കും. വൃ​ത്തി​യെക്കു​റി​ച്ച് സ​ഞ്ചാ​രി​ക​ളെ ബോ​ധ​വാ·ാ​രാ​ക്കും. കു​ട്ടി​ക​ൾ പോ​ലും ഇ​ക്കാ​ര്യ​ത്തി​ൽ മു​ൻ​പ​ന്തി​യി​ലാ​ണ്. "ഡോ​ണ്ട് ത്രോ ​യു​വ​ർ വാ​ട്ട​ർ ബോ​ട്ടി​ൽ ഓ​ണ്‍ ദ ​റോ​ഡ്’​കു​ഞ്ഞ് അ​രു​വി ഒ​ഴു​ക​ന്ന ശ​ബ്ദ​ത്തി​ൽ അ​വ​ർ പ​റ​യു​ന്പോ​ൾ, അ​വി​ടെ​യെ​ത്തു​ന്ന ഏ​തു നാ​ഗ​രി​ക​നും അ​ത് അ​നു​സ​രി​ക്കും. അ​പ്പോ​ൾ അ​വ​ർ സ​ഞ്ചാ​രി​ക​ൾ​ക്കു റോ​ഡ​രി​കി​ൽ സ്ഥാ​പി​ച്ചി​ട്ടു​ള്ള മു​ള​കൊ​ണ്ടു നി​ർ​മി​ച്ച ബാ​സ്ക​റ്റു​ക​ൾ കാ​ട്ടി​ക്കൊ​ടു​ക്കും.

നി​ര​വ​ധി നി​ർ​ദേ​ശ​ങ്ങ​ളാ​ണ് വി​നോ​ദ​സ​ഞ്ചാ​രി​ക​ൾ​ക്കാ​യി ഗ്രാ​മ​വാ​സി​ക​ൾ ഒ​രു​ക്കി​യി​രി​ക്കു​ന്ന​ത്. ഇ​തു കാ​ര​ണം ഗ്രാ​മ​ത്തി​ൽ ഒ​രി​ക്ക​ലും മാ​ലി​ന്യം കു​ന്നു​കൂ​ടു​ക​യി​ല്ല. ഇ​ക്കോ​ടൂ​റി​സ​മാ​ണ് മേ​ഘാ​ല​യ​യി​ലെ ഖാ​സി കു​ന്നു​ക​ളി​ൽ സ്ഥി​തിചെ​യ്യു​ന്ന ഈ ​ഗ്രാ​മ​ത്തി​ൽ ന​ട​പ്പാ​ക്കു​ന്ന​ത്. ’അ​യ​ൽ​ക്കാ​ര​ന്‍റെ അ​സൂ​യ ഉ​ട​മ​സ്ഥ​ന്‍റെ അ​ഭി​മാ​നം’ എ​ന്നാ​ണ് ഗ്രാ​മ​വാ​സി​ക​ളു​ടെ ആ​പ്ത​വാ​ക്യം. അ​യ​ൽ​ഗ്രാ​മ​ക്കാ​ർ​ക്ക് അ​സൂ​യ​യു​ണ്ടാ​ക്കു​ന്ന ത​ര​ത്തി​ൽ ത​ങ്ങ​ളു​ടെ ഗ്രാ​മം വൃ​ത്തി​യാ​യി സൂ​ക്ഷി​ക്കാ​ൻ ഒ​രോ ഗ്രാ​മ​വാ​സി​യും താ​ൽ​പ​ര്യ​മെ​ടു​ക്കു​ന്നു.

വീ​ട്ടു​ജോ​ലി​ക​ൾ തീ​ർ​ന്നാ​ൽ പി​ന്നെ ഇ​വി​ടത്തെ എ​ല്ലാ വീ​ട്ട​മ്മ​മാ​രു​ടെ​യും പ്ര​ധാ​ന ജോ​ലി വീ​ട്ടു​മു​റ്റ​വും ന​ട​പ്പാ​ത​യും വൃ​ത്തി​യാ​ക്കു​ക​യാ​ണ്. ഇ​തി​നാ​യി ആ​രും അ​വ​രെ നി​ർ​ബ​ന്ധി​ക്കു​ന്നി​ല്ല. വീ​ടു വൃ​ത്തി​യാ​ക്കു​ന്ന​തു പോ​ല​യാ​ണ് അ​വ​ർ​ക്ക് ഗ്രാ​മം വൃ​ത്തി​യാ​ക്കു​ന്ന​തും. എ​ല്ലാ ദി​വ​സ​വും വൈ​കു​ന്നേ​രം ബാ​സ്ക​റ്റു​ക​ളി​ലെ മാ​ലി​ന്യ​ങ്ങ​ൾ വേ​ർ​തി​രി​ച്ച് സം​സ്ക​രി​ക്കും. പു​ര​ഷന്മാ​രാ​ണ് ഈ ​ചു​മ​ത​ല നി​ർ​വ​ഹി​ക്കു​ന്ന​ത്. ജൈ​വ​മാ​ലി​ന്യ​ങ്ങ​ൾ വേ​ർ​തി​രി​ച്ച് വ​ള​മാ​ക്കും. ബാ​ക്കി​യു​ള്ള​വ ക​ത്തി​ച്ചു ചാ​ര​മാ​ക്കും. ഇ​തി​നെ​ല്ലാം പ്ര​ത്യേ​കം പ്ര​ത്യേ​കം സ്ഥ​ല​ങ്ങ​ളു​ണ്ട് ഗ്രാ​മ​ത്തി​ൽ.

കൃ​ഷി​യാ​ണ് ഇ​വി​ടത്തെ മ​നു​ഷ്യ​രു​ടെ പ്ര​ധാ​ന വ​രു​മാ​ന മാ​ർ​ഗം. ചൂ​ല് നി​ർ​മി​ക്കു​ന്ന​തി​നാ​യു​ള്ള പു​ല്ല് കൃ​ഷി ചെ​യ്യു​ക. വെ​റ്റി​ല, അ​ട​യ്ക്ക തു​ട​ങ്ങി​യ​വ​യും കൃ​ഷി​യി​ട​ങ്ങ​ളി​ൽ വ​ള​രു​ന്നു. ആ​ഴ്ച​യി​ലൊ​രി​ക്ക​ൽ ഇ​വ​യൊ​ക്കെ സ​മീ​പ​ത്തെ ച​ന്ത​യി​ൽ കൊ​ണ്ടു പോ​യി വി​ൽ​ക്കും. പ​ണം ഉ​പ​യോ​ഗി​ച്ചു​ള്ള ക​ച്ച​വ​ടം മാ​ത്ര​മ​ല്ല, ബാ​ർ​ട്ട​ർ സ​ന്പ്ര​ദാ​യ​വും(​ഒ​രു സാ​ധ​നം കൊ​ടു​ത്ത് മ​റ്റൊ​രു സാ​ധ​നം വാ​ങ്ങു​ന്ന രീ​തി) ഇ​വി​ടെ കാ​ണാം. ഇ​ക്കോ ടൂ​റി​സ​ത്തി​ൽ നി​ന്നും ഗ്രാ​മ​ത്തി​ന് ഇ​പ്പോ​ൾ ന​ല്ല വ​രു​മാ​നം ല​ഭി​ക്കു​ന്നു​ണ്ട്. ടൂ​റി​സ്റ്റു​ക​ൾ​ക്കാ​യി മു​ള​യി​ൽ തീ​ർ​ത്ത വീ​ടു​ക​ളും ഹോം​സ്റ്റേ അ​ട​ക്ക​മു​ള്ള സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്. പ​ക്ഷേ അ​വി​ടെ​യും ഗ്രാ​മ​വാ​സി​ക​ൾ​ക്ക് ലാ​ഭ​ക്ക​ണ്ണി​ല്ല. ടൂ​റി​സ്റ്റു​ക​ൾ​ക്കാ​യി ആ​കെ​യു​ള്ള​ത് 25 മു​ള​വീ​ടു​ക​ൾ മാ​ത്ര​മാ​ണ്. തി​ര​ക്കേ​റു​ന്ന​തി​നാ​ൽ നേ​ര​ത്തെ ബു​ക്ക് ചെ​യ്യു​ന്ന​വ​ർ​ക്കു മാ​ത്ര​മേ വീ​ടു​ക​ൾ ല​ഭി​ക്കു. ഭ​ക്ഷ​ണ​മ​ട​ക്കം ഒ​രു ദി​വ​സ​ത്തേ​ക്ക് 1500 രൂ​പ മാ​ത്ര​മാ​ണ് ഈ​ടാ​ക്കു​ന്ന​ത്.

മൗ​ലി​ന്നോം​ഗി​ലേ​ക്കു​ള്ള വ​ഴി

മേ​ഘാ​ലയ​യു​ടെ ത​ല​സ്ഥാ​ന​മാ​യ ഷി​ല്ലോം​ഗി​ൽ നി​ന്നും 90 കി​ലോ​മീ​റ്റ​ർ അ​ക​ലെ ബം​ഗ്ലാ​ദേ​ശ് അ​തി​ർ​ത്തി​യോ​ട​ടു​ത്ത് ഈ​സ്റ്റ് ഖാ​സി ജി​ല്ല​യി​ലാ​ണ് മൗ​ലി​ന്നോം​ഗ്. ഷി​ല്ലോം​ഗി​ൽ നി​ന്നു ര​ണ്ടേ മു​ക്കാ​ൽ മ​ണി​ക്കൂ​റു കൊ​ണ്ട് റോ​ഡു​മാ​ർ​ഗം അ​വി​ടെ​യെ​ത്തി​ച്ചേ​രാം. മ​ല​ഞ്ചെ​രു​വി​ലൂ​ടെ​യു​ള്ള പാ​ത​യി​ലൂ​ടെ​യു​ള്ള സ​ഞ്ചാ​രം കാ​ഴ്ച​ാനു​ഭ​വ​ത്തി​നൊ​പ്പം സാ​ഹ​സി​ക​ത​യു​ടെ സു​ഖം പ​ക​രു​ന്ന​തു കൂ​ടി​യാ​ണ്. മ​ണ്‍​സൂ​ണ്‍​കാ​ല​മാ​ണ് മൗ​ലി​ന്നോം​ഗ് സ​ന്ദ​ർ​ശി​ക്കാ​നു​ള്ള ഏ​റ്റ​വും മി​ക​ച്ച സ​മ​യം. പ​ച്ച പു​ത​ച്ച മ​ല​നി​ര​ക​ൾ​ക്കൊ​പ്പം നി​റ​ഞ്ഞൊ​ഴു​കു​ന്ന ചെ​റു അ​രു​വി​ക​ളും വെ​ള്ള​ച്ചാ​ട്ട​ങ്ങ​ളും പൂ​വി​ട്ടു നി​ൽ​ക്കു​ന്ന ചെ​ടി​ക​ളും കാ​ഴ്ച​യു​ടെ വ​സ​ന്തം സൃ​ഷ്ടി​ക്കു​ന്ന മൗ​ലി​ന്നോം​ഗ് ഒ​രു വാ​ൻ​ഗോ​ഗ് ചി​ത്രം പോ​ലെ സു​ന്ദ​ര​മാ​ണ്.

ഖാ​സി ട്രൈ​ബ് വി​ഭാ​ഗ​ത്തി​ൽപെ​ടു​ന്ന പ്ര​കൃ​തി​സ്നേ​ഹി​ക​ളാ​യ മ​നു​ഷ്യ​രാ​ണ് ഇ​വി​ടെ​യു​ള്ള​ത്. കൃ​ഷി ത​ന്നെ​യാ​ണ് പ്ര​ധാ​ന വ​രു​മാ​ന മാ​ർ​ഗം. പ​പ്പാ​യ, പൈ​നാ​പ്പി​ൾ, ഓ​റ​ഞ്ച് തു​ട​ങ്ങി​യ ഫ​ല​വൃ​ഷ​ങ്ങ​ൾ നി​റ​ഞ്ഞ പ​റ​ന്പു​ക​ൾ. തി​ക​ച്ചും ല​ളി​ത​മാ​യ ജീ​വി​തം. ആ​ർ​ഭാ​ട​ങ്ങ​ൾ ഇ​ല്ല. പു​ക​വ​ലി​യും മ​ദ്യ​പാ​ന​വും എ​ല്ലാം ഇ​വ​ർ​ക്കു വ​ർ​ജ്യ​മാ​ണ്.

പെ​ണ്‍​പെ​രു​മ

ഗ്രാ​മ​ത്തി​ന്‍റെ നാ​യ​ക​ർ സ്ത്രീ​ക​ളാ​ണ്. വീ​ട്ടു​കാ​ര്യ​ങ്ങ​ൾ​ക്കൊ​പ്പം വീ​ടി​ന്‍റെ എ​ല്ലാ കാ​ര്യ​ങ്ങ​ളും നി​യ​ന്ത്രി​ക്കു​ന്ന​ത് പെ​ണ്‍​കു​ട്ടി​ക​ളാ​ണ്. കു​ടും​ബ​ത്തി​ന്‍റെ സ്വ​ത്ത് ഏ​റ്റ​വും ഇ​ള​യ പെ​ണ്‍​കു​ട്ടി​ക്കാ​ണ് കി​ട്ടു​ക. അ​വ​ളെ വി​വാ​ഹം ക​ഴി​ക്കു​ന്ന പു​രു​ഷ​ൻ അ​വ​ളു​ടെ വീ​ട്ടി​ൽ വ​ന്നു താ​മ​സി​ക്ക​ണം. എ​ട്ടോ പ​ത്തോ വ​യ​സാ​കു​ന്പോ​ൾ ത​ന്നെ വീ​ട്ടു​കാ​ര്യ​ങ്ങ​ളും സ​ഹോ​ദ​ര​ങ്ങ​ളു​ടെ കാ​ര്യ​ങ്ങ​ളും നോ​ക്കാ​ൻ ഇ​വി​ടത്തെ പെ​ണ്‍​കു​ട്ടി​ക​ൾ പ്രാ​പ്ത​രാ​ണ്.

പ്ര​കൃ​തി ര​മ​ണീ​യ​മാ​യ കാ​ഴ്ച​ക​ൾ കൊ​ണ്ട് സ​ന്പ​ന്ന​മാ​യ മൗ​ലി​ന്നോം​ഗി​ലും സ​മീ​പ​പ്ര​ദേ​ശ​ങ്ങ​ളി​ലും തി​ര​ക്കേ​റി​യ ടൂ​റി​സ്റ്റു കേ​ന്ദ്ര​ങ്ങ​ളു​ണ്ട്. മൗ​ലി​ന്നോം​ഗി​ലും സ​മീ​പ​ഗ്രാ​മ​ങ്ങ​ളി​ലു​മു​ള്ള ലി​വിം​ഗ് റൂ​ട്ട്ബ്രി​ഡ്ജ് ആ​ണ് സ​ഞ്ചാ​രി​ക​ളു​ടെ മു​ഖ്യ ആ​ക​ർ​ഷ​ണം.

ലി​വിം​ഗ് റൂ​ട്ട് ബ്രി​ഡ്ജ്

കാ​ട്ടി​ലൂ​ടെ ന​ട​ക്കു​ന്പോ​ൾ അ​രു​വി​ക​ളു​ടെ ഇ​രു​ക​ര​ക​ളെ​യും ബ​ന്ധി​പ്പി​ച്ചുകൊ​ണ്ടാ​ണ് ലി​വിം​ഗ് റൂ​ട്ട് ബ്രി​ഡ്ജു​ക​ളു​ള്ള​ത്. ഇ​രു​ക​ര​ക​ളി​ലും നി​ൽ​ക്കു​ന്ന മ​ര​ങ്ങ​ളു​ടെ വേ​രു​ക​ൾ വ​ള​ർ​ന്നാ​ണ് പ്ര​കൃ​തി​യു​ടെ ഈ ​നി​ർ​മി​തി ഉ​ണ്ടാ​യി​രി​ക്കു​ന്ന​ത്. നൂ​റ്റാ​ണ്ടു​ക​ൾ ത​ന്നെ പ​ഴ​ക്ക​മു​ണ്ട് ഈ ​പാ​ല​ങ്ങ​ൾ​ക്ക്. എ​ത്ര​പേ​ർ ക​യ​റി​യാ​ലും പാ​ല​ത്തി​ന് ഒ​രു കു​ലു​ക്ക​വു​മി​ല്ല. ഇ​തി​ലൂ​ടെ ക​ട​ന്നാ​ണ് സ​ഞ്ചാ​രി​ക​ൾ പു​ഴ​യു​ടെ മ​റു​ക​ര​യെ​ത്തു​ന്ന​ത്. പാ​ല​ത്തി​ന്‍റെ ഉ​റ​പ്പു കൂ​ട്ടാ​നാ​യി ചെ​റി​യ ക​ല്ലു​ക​ളും വേ​രു​ക​ൾ​ക്കു മു​ക​ളി​ൽ പാ​കി​യി​ട്ടു​ണ്ട്. ഒ​രു പാ​ല​ത്തി​നു മു​ക​ളി​ൽ മ​റ്റൊ​രു പാ​ലം വ​രു​ന്ന ഡ​ബി​ൾ ഡെ​ക്ക​ർ ലി​വിം​ഗ് റൂ​ട്ട് ബ്രി​ഡ്ജും സ​ഞ്ചാ​രി​ക​ളു​ടെ മു​ഖ്യ ആ​ക​ർ​ഷ​ണ​മാ​ണ്.

സ്കൈ ​വാ​ക്കും ബം​ഗ്ലാ​ദേ​ശ് സ്കൈ ​വ്യൂ​വും

മീ​റ്റ​റു​ക​ളോ​ളം ഉ​യ​ര​ത്തി​ൽ മ​ര​ങ്ങ​ളോ​ടു ചേ​ർ​ത്തു മു​ള​കൊ​ണ്ടു കെ​ട്ടി​യു​ണ്ടാ​ക്കി​യ പ്ലാ​റ്റ്ഫോ​മാ​ണ് സ്കൈ​വാ​ക്ക്. ഇ​വി​ടെ നി​ന്നു നോ​ക്കി​യാ​ൽ ബം​ഗ്ലാ​ദേ​ശ് അ​തി​ർ​ത്തി വി​ശാ​ല​മാ​യി കാ​ണാ​നാ​കും. സ​ഞ്ചാ​രി​ക​ൾ​ക്കു മ​റ​ക്കാ​നാ​കാ​ത്ത ഒ​രു കാ​ഴ്ച​യാ​ണി​ത്.

ഡോ​കി ന​ദി

മാൗ​ലി​ന്നോം​ഗി​ൽ നി​ന്ന് ഏ​താ​നും കി​ലോ​മീ​റ്റ​റു​ക​ൾ അ​ക​ലെ ബം​ഗ്ലാ​ദേ​ശ് അ​തി​ർ​ത്തി​യി​ലാ​ണ് ഡോ​കി ന​ദി. ന​ദി​ക്ക​പ്പു​റം ബം​ഗ്ലാ​ദേ​ശും ഇ​പ്പു​റം ഇ​ന്ത്യ​യു​മാ​ണ്. തെ​ളി​ഞ്ഞ വെ​ള്ള​മു​ള്ള ന​ദി​യാ​ണ് ഡോ​കി.

ന​ദി​യു​ടെ അ​ടി​ത്ത​ട്ടി​ലെ പാ​റ​ക്കെ​ട്ടു​ക​ൾ വ​രെ തീ​ര​ത്തു നി​ന്നു നോ​ക്കി​യാ​ൽ കാ​ണാ​ൻ ക​ഴി​യു​മെ​ന്ന​താ​ണ് ഇ​തി​ന്‍റെ പ്ര​ത്യേ​ക​ത. അ​ത്ര തെ​ളി​മ​യാ​ണ് ന​ദി​യി​ലെ ജ​ല​ത്തി​ന്. ഇ​തും സ​ഞ്ചാ​രി​ക​ളു​ടെ മ​റ്റൊ​രാ​ക​ർ​ഷ​ണ​മാ​ണ്.

ഡി. ​ദി​ലീ​പ് സൺഡേദീപിക 05.03.17