പ്രതിഷേധിക്കാരെ അറസ്​റ്റ് ചെയ്യുന്ന പൊലീസ്​ ആരുടെ പക്ഷത്ത്​

ദേശീയഗാനത്തിെൻറ പേരിൽ പൊലീസ്​ പിടികൂടിയ എഴുത്തുകാരൻ കമൽ സി. ചാവറ ദിവസങ്ങളായി പൊലീസ്​ നിരീക്ഷണത്തിലായിരുന്നു. ഒരു വ്യക്തിക്കെതിരെ രാജ്യേദ്രാഹക്കുറ്റം ചുമത്തുമ്പോൾ പാലിക്കേണ്ട സുപ്രീംകോടതി നിർദേശങ്ങൾ പാലിക്കാതെയുള്ള അറസ്​റ്റിനെതിരെ സാമൂഹ്യ മാധ്യമങ്ങളിലുൾപ്പെടെ വ്യാപക പ്രതിഷേധമുയർന്നു. ഉടൻ കലാപമുണ്ടാകാൻ സാധ്യതയുള്ള പദപ്രയോഗം നടത്തിയാൽ മാത്രമേ ഒരാൾക്കെതിരെ രാജ്യേദ്രാഹ കുറ്റം ചുമത്താൻ പാടുള്ളൂ എന്ന് കേദാർനാഥ് / സ്​റ്റേറ്റ ഓഫ് ബീഹാർ എന്ന കേസിൽ സുപ്രീകോടതി നിർദേശമുണ്ട്. ഇത് പാലിക്കാതെയാണ് ഒരു വർഷം മുമ്പ് പുറത്തിറങ്ങിയ നോവലിലെ പരാമർശത്തിെൻറ പേരിലുള്ള അറസ്​റ്റ്. മരുന്നുവാങ്ങാനായി രാവിലെ വീട്ടിൽ നിന്നിറങ്ങിയ കമലിനെ പൊലീസ്​ കസ്​റ്റഡിയിലെത്ത് വൈകുന്നേരം ഏഴര വരെ പൊലീസ്​ സ്​റ്റേഷനിൽ ഇരുത്തുകയായിരുന്നു.

നാല് ദിവസം മുമ്പ് പ്രസവിച്ച ഭാര്യയെയും കുഞ്ഞിനെയും തനിച്ചാക്കി വൈകുന്നേരം വരെ പൊലീസ്​ കസ്​റ്റഡിയിൽ സൂക്ഷിച്ചത് കടുത്ത മനുഷ്യാവകാശ ലംഘനമാണെന്ന് ആക്ഷേപവും ഉയർന്നു. ശാരീരികാസ്വാസ്​ഥ്യം കാരണം വൈകുന്നേരത്തോടെ ബീച്ച് ആശുപത്രിയിൽ പ്രവേശിപ്പിക്കേണ്ടി വന്നു. കമലിെൻറ ശാരീരികനില അന്വേഷിക്കാക്കാൻ പൊലീസ്​ സ്​റ്റേഷനിലെത്തിയ ഷഫീഖ് സുബൈദ ഹക്കീം എന്ന മനുഷ്യാവകാശ പ്രവർത്തകനെതിരെ കേസെടുത്ത് രണ്ടുപേരുടെ ജാമ്യത്തിൽ വിട്ടയക്കുകയായിരുന്നു. രണ്ട് വർഷം മുമ്പ് കൊല്ലത്ത് നിന്നും കോഴിക്കോടേക്ക് താമസം മാറ്റിയ തനിക്കെതിരെ പൊലീസ്​ കേസെടുത്തത് മുൻവൈരാഗ്യം മൂലമാണെന്നാണ് കമലും ഭാര്യയും ആരോപിക്കുന്നത്. കരുനാഗപ്പള്ളി പൊലീസ്​ കഴിഞ്ഞ ദിവസം കമലിെൻറ ചവറയിലെ വീട്ടിൽ പരിശോധന നടത്തി പുസ്​തകങ്ങൾ പിടിച്ചെടുത്തിരുന്നു. ഇതു സംബന്ധിച്ച് വ്യാഴാഴ്ച കമൽ ഫേസ്​ബുക്കിൽ പോസ്​റ്റിട്ടിരുന്നു.

‘‘ഞാൻ ജനഗണമനയെ ആക്ഷേപിച്ചെന്ന് പറഞ്ഞ് പൊലീസുകാർ ഇന്ന് എെൻറ നാട്ടിലുള്ള വീട്ടിൽ കയറുകയും സുഖമില്ലാതെ കിടക്കുന്ന അച്ഛനെയും അമ്മയെയും ഉപദ്രവിക്കുകയും അലമാര കുത്തിതുറന്ന് പുസ്​തകങ്ങൾ വാരി വലിച്ചിടുകയും എന്തൊക്കെയോ എടുത്തു കൊണ്ട് പോവുകയും ചെയ്തു. രാജേഷ് എന്ന കരുനാഗപ്പള്ളി എസ്​.ഐ (9497980 171) ആണ് ഇതിന് നേതൃത്വം കൊടുത്തത്. ഞാൻ ഫോണിൽ ബന്ധപെട്ടപ്പോൾ നിെൻറ കുന്ദമംഗലത്തെ വീട്ടിലും ഇനിയും കയറുകയും നിന്നെ അറസ്​റ്റ് ചെയ്യുകയും ചെയ്യുമെന്ന് ഭീഷണി പെടുത്തുകയും ചെയ്തു. നോവലിലും ഫെയ്സ്​ബുക്ക് പോസ്​റ്റുകളിലും രാജ്യേദ്രാഹ പ്രചരണം നടത്തുന്നുവെന്നുമാണ് പരാതി’’– പോസ്​റ്റിൽ പറയുന്നു.

ത​െൻറ ഫേസ്​ബുക്ക് അക്കൗണ്ട് ഉൾപ്പെടെ ദിവസങ്ങളായി പൊലീസ്​ നിരീക്ഷണത്തിലായിരുന്നെന്നും 16ന് അദ്ദേഹം സാമൂഹ്യ മാധ്യമങ്ങളിൽ എഴുതിയിരുന്നു. ‘‘ഇപ്പോഴാണ് എനിക്ക് അക്കൗണ്ടിൽ കയറാൻ കഴിഞ്ഞത്. തെളിവ് ശേഖരണത്തിെൻറ ഭാഗമായി തടഞ്ഞിരിക്കുകയായിരുന്നു. ഏതോ യുവമോർച്ച പ്രവർത്തകൻ ഡി.ഐ.ജിക്ക് കൊടുത്ത പരാതിയിൽ കൊല്ലം സിറ്റി കമീഷണർ പ്രാഥമിക അന്വേഷണം നടത്തി ചവറ പൊലീസ്​ സ്​റ്റേഷനിൽ എഫ്.ഐ.ആർ രജിസട്രർ ചെയ്തു . കുറ്റവും വകുപ്പും അറസ്​റ്റും മുകളിൽ നിന്നുള്ള ആരുടെയോ അനുവാദത്തിന് വേണ്ടി കാത്ത് കിടക്കുന്നു. എനിക്ക് മനസിലാവാത്തത് എെൻറ െപ്രാഫൈൽ പബ്ലിക്കും നോവൽ വിപണിയിലും കിട്ടുമെന്നിരിക്കെ അമ്മയും അച്ചനും താമസിക്കുന്ന സ്​ഥലത്ത് അസമയത്ത് ചെന്ന് പിടിച്ചെടുക്കാൻ എന്താണ് േപ്രരണ നൽകിയത് എന്നതാണ്. അക്ഷരങ്ങളിൽ എെൻറ ജീവനുണ്ട് ഒരിക്കലും അത് പിൻവലിക്കാൻ തയ്യാറല്ല. കേരളത്തിലെ മോദിയാവരുത് പിണറായി വിജയൻ’’ എന്നായിരുന്നു ആ പോസ്​റ്റ്.

‘‘എസ്​.ഐ രാജേഷിന് കമലിനോടുള്ള മുൻവൈരാഗ്യമാണ് കേസിന് പിന്നിലെന്നും രണ്ട് വർഷമായി തങ്ങൾ പെരിങ്ങൊളത്താണ് താമസമെന്നും അദ്ദേഹത്തിെൻറ ഭാര്യ ‘മാധ്യമ’ത്തോട് പറഞ്ഞു. രണ്ട് വർഷം മുമ്പ് തൃശൂർ കറൻറ് ബുക്സ്​ പ്രസിദ്ധീകരിച്ച പുസ്​തകം അങ്കമാലിയിലായിരുന്നു പ്രകാശനം നടത്തിയത്. കൊല്ലവുമായി ബന്ധമൊന്നുമില്ലാതെ കരുനാഗപ്പള്ളി എസ്​.ഐ സ്വമേധയാ കേസെടുത്തത് എന്തിനെന്ന് അറിയില്ല. എഴുതിക്കൊണ്ടിരിക്കുന്ന മറ്റൊരു നോവലിെൻറ പ്രചാരണാർഥമാണ് വിവാദമായ പോസ്​റ്റ് ഫേസ്​ബുക്കിലിട്ടത്. നോവലുമായി ബന്ധപ്പെട്ട് ഇതുവരെ യതാതൊരു വിവാദവും ഉണ്ടായിട്ടുമില്ല’’– കമലി​െൻറ  ഭാര്യ പറഞ്ഞു. കമലിനെതിരെ ചുമത്തിയ രാജ്യേദ്രാഹകുറ്റം പിൻവലിച്ച് നിരുപാധികം വിട്ടയക്കണമെന്ന് വ്യാജ ഏറ്റുമുട്ടൽ മുന്നണി സംസ്​ഥാന സമര പ്രഖ്യാപന കൺവെൻഷൻ സർക്കാറിനോട് ആവശ്യപ്പെട്ടു.