ഭരണകൂടം മുഖംതിരിച്ച മാലിന്യ നിര്‍മാര്‍ജനം
മാലിന്യ സംസ്കരണവുമായി ബന്ധപ്പെട്ട് നടന്നുവരുന്ന ജനകീയ സമരങ്ങളെ പൊലീസിനെ ഉപയോഗിച്ച് അടിച്ചമര്‍ത്തുന്നതിനിടെ മാലിന്യ നിര്‍മാര്‍ജത്തിന് ആവശ്യമായ നടപടി ഭരണകൂടം സ്വീകരിച്ചില്ളെന്ന് റിപ്പോര്‍ട്ട്. സംസ്ഥാനത്തെ നഗര സഭകളിലെ ഖരമാലിന്യ നിര്‍മാര്‍ജന പ്രവര്‍ത്തനങ്ങള്‍ കാര്യക്ഷമമായി നടപ്പാക്കുന്നതില്‍ നഗരസഭകളും ശുചിത്വ മിഷനും ജില്ലാകലക്ടര്‍മാരും വീഴ്ചവരുത്തിയതായും കോടികളുടെ നഷ്ടം വരുത്തിയതായും കംപ്ട്രോളര്‍ ആന്‍ഡ് ഓഡിറ്റര്‍ ജനറലിന്‍െറ റിപ്പോര്‍ട്ടിലാണ് ഇക്കാര്യം ചൂണ്ടിക്കാട്ടുന്നത്. ഭീകരമായ തോതില്‍ പൊതുജനാരോഗ്യത്തെ ബാധിക്കുന്ന മാലിന്യ പ്രശ്നത്തില്‍ അധികാരികള്‍ മുഖംതിരിഞ്ഞു നിന്നു എന്നാണ് റിപ്പോര്‍ട്ടിന്‍െറ ഉള്ളടക്കം. ഉല്‍പാദിപ്പിക്കപ്പെടുന്ന മാലിന്യങ്ങളുടെ അളവിനെ കുറിച്ച് യാതൊരു വിവരവും നഗരസഭകള്‍ക്ക് ഉണ്ടായിരുന്നില്ല. മുന്‍സിപ്പല്‍ ഖരമാലിന്യ (പരിപാലനവും കൈകാര്യം ചെയ്യലും) ചട്ടങ്ങള്‍ (എം.എസ്.ഡബ്ള്യൂ) പാലിക്കാതെയാണ് നഗരസഭകള്‍ മാലിന്യ ശേഖരണവും സംസ്കരണവും നടത്തിയത്. നഗരസഭകള്‍ക്ക് നല്‍കിയ തുകകള്‍ ശരിയായ വിധം വിനിയോഗിച്ചോ എന്ന് ഉറപ്പ് വരുത്തുന്നതിനുള്ള ഉത്തരവാദിത്തം ശുചിത്വ മിഷനും നിര്‍വഹിച്ചില്ല. മാലിന്...
